လစ်ဗျားစစ်ပွဲ ပြီးဆုံးသွားပြီလား

Photo
လစ်ဗျားခေါင်းဆောင်ဟောင်း မွမ် မာကဒါဖီအား သစ္စာခံ၍ နောက် ဆုံးခုခံနေသော မြို့နှစ်မြို့အနက် မှတစ်မြို့ဖြစ်သော ဘာနီဝါလစ်မြို့ ကျသွားခဲ့ရာ လစ်ဗျားအမျိုးသား အသွင်ကူးပြောင်းရေးကောင်စီ ( NTC )  သည်အမျိုးသားလွတ် မြောက်ရေးကို အတိအလင်း ကြေညာနိုင်တော့မည် ဖြစ်သည်။ သို့သော် စစ်ဒဏ်ခံထားရသော တိုင်းပြည်အား နိုင်နိုင်နင်းနင်း အုပ်ချုပ်နိုင်ရေးမှာမူ အလှမ်းဝေး နေပါသေးသည်။
    ဘာနီဝါလစ်မြို့တွင် ကဒါဖီ လက်ထက်မတိုင်မီ လစ်ဗျားနိုင်ငံ ၏အမှတ်အသား သုံးရောင်ခြယ် အလံကို တလူလူလွှင့်ထူထားပြီ ဖြစ်သော်လည်း ကဒါဖီ၏ နောက်
ဆုံးခံတပ်နှင့် ၎င်းင်း၏ မွေးရပ်မြေ
ဆာတီမြို့တွင်မူ အသွင်ကူးပြောင်း ရေးကောင်စီတပ်များ ဆက်လက် တိုက်ပွဲဝင်နေရဆဲဖြစ်သည်။ ရက် သတ္တပတ်ပေါင်းများစွာ စီးနင်း ထားခဲ့သော မြို့အား နှစ်ရက်၊ သုံးရက်အတွင်း လုံးဝထိန်းချုပ် နိုင်တော့မည် ထင်မှတ်ခဲ့သော် လည်း ကဒါဖီသစ္စာခံတပ်များ၏ ပြင်းပြင်းထန်ထန် ခုခံမှုကြောင့်  NTC  တပ်ဖွဲ့များသည် ဆာတီမြို့ အချို့နေရာများမှ ဆုတ်ခွာခဲ့ရ သည်။
    တစ်နိုင်ငံလုံးကို ထိန်းချုပ်နိုင် ပြီဟု အမျိုးသားအသွင်ကူးပြောင်း ရေးကောင်စီက ကြေးကြော်နိုင် ရေး ဆာတီမြို့မှ ကဒါဖီသစ္စာခံ များက နောက်ဆုံးအခုအခံအဖြစ် ရှိနေရာတွင် ၎င်းင်းတို့တပ်ဖွဲ့ဝင်များ ဆုတ်ခွာခဲ့ရပြီးနောက်  NTC  က နေတိုးလေတပ်အား ကဒါဖီလို လားသော တပ်ဖွဲ့များ ခိုအောင်း နေသည့်နေရာများကို ဗုံးကြဲခိုင်း သည်။ လက်နက်ကြီးများဖြင့် လည်း အဆက်မပြတ်ပစ်ခတ်ခဲ့ သည်။
    နိုင်ငံမြောက်ပိုင်း ကမ်းရိုး တန်းမြို့အား သိမ်းပိုက်ရေးမှာ အမျိုးသားအသွင်ကူးပြောင်းရေး ကောင်စီ၏ အရေးပါသော ရည် မှန်းချက်တစ်ခုဖြစ်သည်သာမက ယင်းမြို့အား သိမ်းပိုက်နိုင်ပါက တစ်နိုင်ငံလုံး လွတ်မြောက်ပြီဖြစ် ကြောင်းကြေညာ၍ ရွေးကောက် တင်မြှောက်ထားသည့် အစိုးရ တစ်ရပ်သို့ အာဏာလွှဲပြောင်း ပေးနိုင်ရေး စတင်ပြင်ဆင်မည်ဟု  NTC  ကပြောကြားထားသည်။ သို့ ဆိုလျှင် ယင်းမှာ နေတိုးတပ်ဖွဲ့ များ၏ လစ်ဗျားတွင် ခြောက်လ အကြာဗုံးကြဲတိုက်ခိုက်မှု အဆုံး သတ်သည့် အချိန်လည်း ဖြစ်ပါ လိမ့်မည်။
    အမေရိကန်နှင့် အီတလီကာ ကွယ်ရေးဝန်ကြီးများကလည်း နေ တိုးစစ်ဆင်ရေး အဆုံးသတ်နိုင် မည့် အခြေအနေကို သုံးသပ်နေ ကြောင်းပြောကြားကြပါသည်။
““စစ်ဆင်ရေးဘယ်အချိန်မှာ အဆုံး
သတ်ရမလဲဆိုတာကို တပ်မှူးတွေ ကပြောတာ ကျွန်တော်တို့ စောင့် မျှော်နေပါတယ်””ဟု အမေရိကန် ကာကွယ်ရေးဝန်ကြီး လီယွန် ပါနက်တာကဆိုပါသည်။ သို့ သော် စစ်ဆင်ရေးအဆုံးသတ်ရေး မှာ ဆာတီမြို့အခြေအနေပေါ် တွင် မူတည်နေကြောင်း ကန်ဝန် ကြီးက ဆက်ပြောပါသည်။ ““ဆာ တီမြို့မှာ တိုက်ပွဲတွေ ဖြစ်နေတုန်း ပဲလေ။ အဲဒီလို တိုက်ခိုက်မှုတွေရှိ နေသမျှတော့ အဲဒီမှာ ငါတို့ဆက် ရှိဖို့လိုအပ်တယ်လို့ ငါတို့တပ်မှူး တွေကယူဆမှာပဲ””ဟု မစ္စတာပါ နက်တာကဆိုပါသည်။
    အမျိုးသားလွတ်မြောက်ရေး  ကြေညာနိုင်လုဆဲဆဲမှာပင်  NTC  အဖွဲ့သည် သံတမန်ရေးမျက်နှာ စာတွင် ကြီးကြီးမားမားတိုးတက် မှုများ ရရှိခဲ့သည်။ ကုလသမဂ၏ အသိအမှတ်ပြုမှု ရရှိခဲ့သလို နိုင်ငံ အများအပြား၏ လျင်လျင်မြန်မြန် အသိအမှတ်ပြုမှုများ ရရှိခဲ့သည်။
    ဖေဖော်ဝါရီလမှစ၍ ဆိုင်းငံ့ ထားခဲ့ရသော ဗြိတိသျှသံရုံးလစ် ဗျားနိုင်ငံတွင် ပြန်လည်ဖွင့်လှစ် ရေးကိစ္စအတွက်လည်း ဗြိတိသျှ နိုင်ငံခြားရေး အတွင်းဝန် ၀ီလီ ယမ်ဟေ့ပ် ထရီပိုလီမြို့သို့ လာရောက်လည်ပတ်ခဲ့သည်။ လစ်ဗျားနိုင်ငံအား အုပ်ချုပ်နေသောအဖွဲ့နှင့် ဆက်ဆံရေးထူထောင် နိုင်ရန်အတွက် လစ်ဗျားနိုင်ငံရှိ ဗြိတိသျှသံရုံးက အရေးပါသောအခန်းကဏ္ဍမှ ပါဝင်မည်ဖြစ် ကြောင်းနှင့် မစ္စတာ ဂျွန်ဂျင်ကင်းစ်အား သံအမတ်ကြီးအသစ်အဖြစ် ခန့်အပ်မည်ဖြစ်ကြောင်း ဗြိတိ သျှနိုင်ငံခြားရေးဝန်ကြီးက ဆိုပါသည်။ ထို့အပြင် ပါကစ္စတန်ဝန်
ကြီးချုပ် ယူဆွတ်ရာဇာဂီလာ နီကလည်း လစ်ဗျားအစိုးရသစ်ကို ပါကစ္စတန်နိုင်ငံကလည်း အသိ အမှတ်ပြုမည်ဖြစ်ကြောင်း ပြော ကြားပါသည်။
    အမျိုးသားလွတ်မြောက်ရေး ကိုကြေညာနိုင်တော့မည်ဟု ဆို သော်လည်း လစ်ဗျားအုပ်ချုပ်သူ အစိုးရအဖွဲ့သစ်သည် စစ်ကြောင့် ပြဲပြဲစင်ခဲ့ရသော တိုင်းပြည်ကို စီ မံခန့်ခွဲရေးမှာမူ အချိန်ယူရဦးမည် ဖြစ်သည်။
    လပေါင်းများစွာ အတူတကွ တိုက်ပွဲဝင်နေကြသော်လည်း  NTC  တပ်ဖွဲ့များသည် ပူးပေါင်းဆောင်ရွက်မှုတွင် အားနည်းသည်။ ရန်သူနှင့် နဖူးတွေ့ဒူး တွေ့တိုက်ခိုက်နေချိန်တွင် မကြာ
ခဏဆိုသလို မှားယွင်းပစ်ခတ် မှုများရှိခဲ့သည်။ ဆာတီမြို့တိုက် ပွဲများတွင် နိုင်ငံအနောက်ဘက် မစ်စထရာတာမြို့မှ NTC တိုက်ခိုက်ရေးသမားများနှင့် အရှေ့ဘက်ဘင်ဂါဇီမြို့မှ တပ်ဖွဲ့များ
ယင်းကဲ့သို့ မှားယွင်းပစ်ခတ်မှု များကို တစ်ဖက်နှင့် တစ်ဖက် စွပ်စွဲရင်း တပ်ဖွဲ့ဝင်များစွာ အ သက်ဆုံးရှုံးခဲ့ရသည်။
    နောက်ဆုံးအမာခံဒေသများ အား  NTC  တပ်ဖွဲ့များက ရက် ပေါင်းများစွာ စီးနင်း၍ တိုက်ပွဲ များဝင်နေခဲ့ရခြင်းကလည်း ဒေ သခံလူထု၏ အခြေအနေကို ဆိုး ၀ါးစေခဲ့သည်။ ဘာနီဝါလစ်မြို့ ရှေ့တန်းတိုက်ခိုက်ရေးဒေသများ မှထွက်ပြေးလာသော အရပ်သား အများအပြားအား ဘာနီဝါလစ် မြို့အနီး ရှေ့တန်းစခန်းဆေးရုံ များတွင်လက်ခံကုသပေးခဲ့ ရ ကြောင်း တောင်ပိုင်းစစ်မျက်နှာ ပြင်ပြောခွင့်ရပုဂ္ဂိုလ် မာမွတ်တောဖစ်ကပြောပါသည်။
    တစ်ဖက်တွင်လည်း  NTC  တပ်ဖွဲ့များသည် အကျဉ်းသား များအား နှိပ်စက်ကလူ ပြုသည် ဟုလည်း စွပ်စွဲခံရပြီး ယင်းမှာ က ဒါဖီအစိုးရလုပ်ခဲ့သည့်အတိုင်းပင် ဖြစ်သည်ဟု နိုင်ငံတကာ လူ့အခွင့်အရေးအဖွဲ့  Amnesty Inter-national  က ပြောဆိုပါသည်။ ယင်းကိစ္စကို ထရီပိုလီမြို့တွင်  NTC  အကြီးအကဲနှင့် တွေ့ဆုံပါက ဆွေးနွေးသွားမည်ဟု ဗြိတိသျှနိုင်ငံခြားရေး ၀န်ကြီး ၀ီလီယမ် ဟေ့ဂ်ကဆိုပါသည်။
    ကဒါဖီ၏ သစ္စာခံတပ်ဖွဲ့များ ၎င်း၏ မွေးရပ်မြေ ဆာတီမြို့တွင် ဆက်လက်ခုခံနေစဉ်မှာပင် အမေ ရိကန်နိုင်ငံခြားရေးဝန်ကြီး မစ္စ ကလင်တန်တစ်ယောက် ထရီပို လီမြို့သို့ ရောက်ရှိလာခဲ့ပြီး “လစ်ဗျား၏ အောင်ပွဲ”ကို ကြိုဆိုခဲ့ပါ သည်။ ယင်းမှာ ကဒါဖီ၏ ၄၂ နှစ်ကြာအုပ်ချုပ်ရေး သြဂုတ်လ တွင် အဆုံးသတ်ခဲ့ပြီးနောက်ပိုင်းထရီပိုလီ သို့ ရောက်ရှိလာသည့် အမေရိကန် အဆင့်မြင့်ဆုံး အရာရှိတစ်ဦး၏ ခရီးစဉ်ဖြစ် သည်။ မစ္စကလင်တန်၏ ခရီးစဉ်အတွင်း လုံခြုံရေးကိုအထူး တင်းကျပ်ထားခဲ့ရာ လစ်ဗျားအုပ် ချုပ်သူအသစ်များသည် နိုင်ငံအား အပြည့်အ၀ မထိန်းချုပ်နိုင် သေးကြောင်း စိုးရိမ်ပူပန်မှုများကို ရောင်ပြန်ဟပ်နေသည်။
    လစ်ဗျားကြားဖြတ်အုပ်ချုပ် ရေးအဖွဲ့ဝန်ကြီးချုပ် မာမွတ်ဂျီ ဘရီးလ်နှင့် တွေ့ဆုံပြီးချိန်မှာပင် ကဒါဖီအစိုးရအား ဖြုတ်ချခဲ့ရာမှ ပေါ်ထွက်လာခဲ့သော အင်အား ကြီးမားပြီး လက်နက်အများအ ပြားကိုင်ဆောင်ထားသည့် လက် နက်ကိုင်အဖွဲ့များအား ဗဟိုအုပ် ချုပ်ရေးအဖွဲ့အောက်သို့ သိမ်း သွင်းရေးကို မစ္စကလင်တန်က ပြောဆိုပါသည်။
    “နိုင်ငံကို စုစည်းနိုင်ဖို့ လိုအပ်  တာတွေကို လုပ်ဆောင်သွားမယ် လို့အမျိုးသားအသွင်ကူးပြောင်း ရေးကောင်စီက ကတိပြုပြော ကြားတဲ့အတွက် ကျွန်မတို့ အား ရပါတယ်။ ရှည်လျားတဲ့အတွေ့ အကြုံအရ ကျွန်မတို့ သိတာတစ် ခုကတော့ လက်နက်ကိုင်အဖွဲ့ အစည်းအမျိုးမျိုးကို တစ်ခုတည်း သောစစ်တပ်အဖြစ် ပေါင်းစည်း ရပါမယ်။ အမျိုးသားစစ်တပ်ကို အရပ်ဘက်အုပ်ချုပ်ရေး အောက် မှာထားရှိရေးဟာလည်း အရေး ကြီးပါတယ်”ဟုကန်နိုင်ငံခြားရေး ၀န်ကြီးက ဆိုပါသည်။
    လက်နက်ကိုင်အဖွဲ့များက အစိုးရသစ်ကို သစ္စာခံမည်ဖြစ် ကြောင်း ပြောကြားကြသော် လည်း ၎င်းင်းအဖွဲ့များသည် လစ် ဗျားနိုင်ငံစည်းလုံးညီညွတ်ရေး အ တွက် အကြီးမားဆုံးခြိမ်းခြောက်မှု ဖြစ်သည်ဟု လေ့လာသုံးသပ်သူ အများအပြားက ရှုမြင်ကြပါ သည်။
    ယခုအခါ လစ်ဗျားခေါင်း ဆောင် ကဒါဖီသေဆုံးသွားပြီဖြစ် ၍ လစ်ဗျားစစ်ပွဲပြီးဆုံးသွားပြီဟု ဆိုနိုင်သော်လည်း NTC ရင်ဆိုင်ရ မည့်ပြဿနာများမှာ ထုနှင့်ထည် နှင့် ဆက်လက်တည်ရှိနေဆဲဖြစ်သည်။        —Ref: Xinhua, Reuters

Ref : http://7daynewsjournal.com/

Tags: